ئه‌مشه‌و له‌ یاری گه‌ڕانه‌وه‌ی ئاگرینی قۆناغی پێش کۆتایی خولی یانه‌ پاڵه‌وانه‌کانی ئه‌وروپا یانه‌ی ئه‌نته‌رمیلان سه‌ره‌ڕای دۆڕانی به‌ گۆڵێکی بێ به‌رامبه‌ر گه‌یشته‌ یاری کۆتایی خولی یانه‌ پاڵه‌وانه‌کان و یاریگای سانتیاگۆ بێرنابیۆ به‌هۆی ئه‌وه‌ی له‌ یاری چووندا له‌ نێو یاریگای خۆی به ئه‌نجامی ٣-١ سه‌رکه‌وتنی به‌ده‌ست هێنابوو .. خۆزێ مۆرینهۆ له‌ هه‌ردوو گێمی یه‌که‌می یاریه‌که‌ پلانی به‌رگریکردنی به‌کارهێنا به‌ تایبه‌ت دوای کردنه‌ ده‌ره‌وه‌ی تیاگۆ مۆتا به‌ کارتی سور له‌ خوله‌کی ٢٨ ئه‌مه‌ش ڕێگر بوو له‌به‌رده‌م کوڕانی گواردیۆلا که‌ بتوانن لانی که‌م له‌ نیوه‌ی یه‌که‌م گۆڵێکی تۆماربکه‌ن و نیوه‌ی یه‌که‌م به‌ بێ گۆڵ کۆتایی پێهات ، له‌ نیوه‌ی دووه‌میش ئه‌نته‌رمیلان به‌ ته‌واوی کشایه‌وه‌ و له‌ زۆربه‌ی کاته‌کان هه‌ر گشت یاریزانانی له‌ ناوچه‌ی به‌رگری ده‌بینران و ئه‌مه‌ش زه‌حمه‌تیه‌کی زۆری بۆ به‌رشلۆنه‌ دروست کرد و تۆمارکردنی گۆڵ دواکه‌وت تاوه‌کو خوله‌کی ٨٤ کاتێک جیرارد پیكێ گۆڵێکی جوانی تۆمارکرد هه‌رچه‌نده‌ گومانی ئۆفسایدی لێده‌کرا به‌ڵام ئه‌و گۆڵه‌ زۆر دره‌نگ بوو بۆ بلوگرانا و نه‌یانتوانی گۆڵی دووه‌م و سه‌رکه‌وتن تۆماربکه‌ن  و ناوبژیوان فیکه‌ی کۆتایی لێدا ، به‌ڵام دوای ته‌واوبوونی یاریه‌که‌ خۆزێ مۆرینهۆی ڕاهێنه‌ر له‌ نێو یاریگا په‌نجه‌ی به‌ره‌و ڕووی هانده‌رانی به‌رشلۆنه‌ به‌رز کرده‌وه‌ و ئه‌مه‌ش ڤیکتۆر ڤاڵدێزی توڕه‌کرد و هێرشی کرده‌ سه‌ر که‌ چاوه‌ڕوانده‌کرێت به‌و هۆیه‌وه‌ سزابدرێت

ئاماره‌کانی یاریه‌که‌

به‌رشلۆنه‌ ١ – ٠ ئه‌نته‌رمیلان

لێدانه‌کان ( بۆ ناو گۆڵ) : ٢٠(٨) – ١ (٠)

لێدانی کۆرنه‌ : ٨ – ٢

ئۆفساید: ٤ – ٣

فاوڵ : ٢٠-١٣

خاوه‌ندارێتی تۆپ : ٧٥% – ٢٥%

………………….